أحمد العوضي بعد تعرضه لوعكة صحية: ياسمين لم تتركني لحظة والانفصال تم بطريقة تليق بيننا وبحب الناس لنا
كشف الفنان أحمد العوضي تفاصيل حالته بعد الوعكة الصحية التي تعرض لها مؤخرا واستلزمت نقله للمستشفى .
وخلال مداخلة مع الإعلامي شريف عامر في برنامج “يحدث في مصر” الذي يعرض عبر قناة mbc مصر قال أحمد العوضي”: الحمد لله رب العالمين والكلام اللي اتقال كلام كتير وده طبعًا بشوفه حب من الناس والاهتمام، والموضوع إني كنت في الفترة الأخيرة بصور طول الوقت ومفيش أي راحة وجالي دور برد شديد فأهملت فيه.
وأضاف العوضي: وقلت أنا هتمرن وأشتغل عادي لحد ما حصلي رعشة وروحت للدكتور وقالي لازم أقعد 4 أيام في المستشفى عشان الإهمال اللي بعمله وإن شاء الله هخرج بكره”.
وعن زيارة ياسمين عبد العزيز له في المستشفى قال العوضي “أنا وياسمين حالة خاصة جدًا وإحنا قصة كبيرة والعالم العربي كان معانا قلبًا وقالبًا والانفصال تم بطريقة تليق بينا وبحب الناس لينا.
واستكمل أحمد العوضي: ياسمين أول ما سمعت إني دخلت المسشتفى وجالي التهاب في الشعب الهوائية رغم إننا متطلقين، بعتتلي قالتلي أنت كويس؟ والمفروض هروح، وهي أول واحدة قولتلها وأنا روحت المستشفى لقيت ياسمين داخلة عليا وبتطمن ومسابتنيش لحظة وده مش جديد عليها أنا حبيتها عشان هي بنت أصول وفيه بينا احترام وأصل وده مستغربتوش منها وده كنت مستنيه، وأنا حبيت أطمن كل إخواتي من خلالكم بينى وبين ياسمين عبد العزيز كل احترام”.
