نشرت خبيرة التجميل أسما شريف منير فيديو مثير للجدل لها وهي تحلق شعرها بماكينة الحلاقة.
وعلقت أسما شريف منير على الفيديو كاتبة: “شعري بقاله فترة بيقع جامد، ده غير ان من كتر العمايل اتحرق و بقي مش صحي خالص، غير الغده و تأثرها عليه، قررت انفذ قرار كان بقالي كتير اوي نفسي اخده، ابداً من جديد، احرر نفسي، افتح صفحة جديدة، حقيقي هو قرار صعب جداً بس حسسني بقوة و تفاؤل”.
وتابعت: رميت ورايا حاجات كتيرة اوي بمجرد اني شلت شعري، قلبي كان بيدق جداً و بعديها حسيت اني مليانا ادرينالين.. خطوة جريئة و مرعبه بس حسه اني طالعة منها بدري، عارفة ان في ناس كتير هتهاجمني بس انا فراق معايا احساسي بالراحة اللي انا حسها دلوقتي…عادي هبطول تاني بس الاحساس ده مش هحسه غير مرة.. بكره هتشوفوا النتيجة الاخيرة.
أسما شريف منير كشفت في تصريحات خاصة لـ FilFan نيتها اقتحام مجال التمثيل خلال الفترة القادمة بعد الشهرة الكبيرة التي حققتها عبر مواقع التواصل الاجتماعي، وقالت: بدأت في تلقي ورشة تمثيل مع مدرب التمثيل أحمد تمام والكوتش عمرو جمال، وهذا سبب ابتعادي عن السوشيال ميديا خلال الفترة القادمة، لقد كنت مترددة تجاه هذه الخطوة لخوفي منها، ولكنني قررت أن أخوضها بعد التدريب والتعلم بشكل جيد دون تسرع.
