بسنت السبقي: كنت مخطوبة لتامر حسني وهو سبب اعتزالي

كشفت الفنانة الشابة بسنت السبقي لأول مرة عن خطوبتها للنجم تامر حسني، مؤكدة أنه كان السبب في اعتزالها العمل كموديل وإعلامية وممثلة، لرغبته في إبعادها عن الأضواء، وقالت إنها لن تقع في هذا الخطأ مرة أخرى.

وأضافت بسنت السبقي خلال حديثها ببرنامج “فيس أوف” تقديم سارة نخلة: أنا كنت موديل إعلانات، وبعدين بقيت مذيعة أخبار وبعدين ممثلة، بس الهواية عندي تمثيل.

وتابعت بسنت قائلة: ابتعدت شوية عن التمثيل وتقديم نشرات الأخبار، ثم عدت كممثلة من خلال مسلسل اَدم، وسبب الابتعاد لإني كنت مخطوبة وكان خطيبي رافض تمامًا إني أشتغل في الميديا.. كنت ساعتها مراسلة ومذيعة فوافقت على رأيه ومكملتش في الشغل، بس عمري ما هعمل كده تاني.

وقالت: أنا كنت مخطوبة للفنان تامر حسني وهو اللى خلاني أسيب الميديا في بداية حياتي المهنية، الموضوع ده كان من زمان وانتهى.. بس إحنا أصدقاء جداً، واشتغلت معاه في مسلسل اَدم، مكنش له رغبة اشتغل.. مبيحبش إن حد يضايقني أو يزعق لي”.

وأكملت: “انفصلت عن تامر حسني في هدوء، وبدون مشاكل بدليل إني بعدها اشتغلت معاه في مسلسل اَدم، وهو بني اَدم محترم”.

وأشارت: السبكي وعدني أكون نجمة أفلامه القادمة، بس مش عارفة ليه منفذش وعده لحد دلوقتي ليه؟!، ووقعت معاه عقد بس حصل ما بينا خلاف مش عايزة أقوله.

من هي بسنت السبقي؟

يذكر أن بسنت السبقي من مواليد 1 ديسمبر عام 1995 درست في كلية الإعلام، كان بدايتها المهنية بالتحقيقات الصحفية وبعد ذلك عملت كمقدمة حفلات في دار الأوبرا المصرية، وقدمت دورها الأول كممثلة مع النجم تامر حسني في مسلسل آدم عام 2011.

كما شاركت ببطولة سيت كوم بيت العيلة وأهواك أمام النجم محمود حميدة ودكتور أمراض نسا أمام مصطفى شعبان. وشاركت مؤخراً في مسلسل عملة نادرة من بطولة النجمة نيللي كريم.