تحدث المخرج عمرو سلامة عن تفاصيل في حياته الشخصية وعن الفرق بين زواجه الأول والثاني، والتغييرات التي حدثت في حياته وأدت لانفصاله الأول عن زوجته.
قال عمرو سلامة في حوار له مع برنامج “The you in in human ” أن طلاقه الأول تم بشكل متحضر وانفصل عن زوجته بسبب تغييرات في شخصيتهما ورؤيتهما للمستقبل على الرغم من أن الحب كان موجود بينهما.
قال عمرو سلامة “الفرق بين أول مرة اتجوز وتاني مرة اتجوز هو أن أول مرة كنت عايز اتجوز وقابلت واحدة وعجبتني فاتجوزنا بس كنت شايف اني عايز اتجوز وقابلت حد فاتجوزنا فكان الجواز في خطتي ودة مكنش ضغط من المجتمع وكنت بدور على مواصفات معينة لأي حاجة في حياتي من بينهم مراتي وقابلت واحد حبيتها وكان فيها المعايير وانا كنت ليها بردة ملائم للصفات اللي عايزاها”
وتابع “كنا في علاقة جيدة ومكناش بنتخانق وحتى لما اتفقنا على الطلاق قررنا نقعد ونتكلم مع بعض وسالتها في الأول هل لو قابلتيني دلوقتي بشخصيتي الحالية هترتبطي بيا فكان ردها لا لأن شخصيتي الحالية وطريقة حياتي اختلفت فحتى لو في مشاعر بينا مكناش هنحب نرتبط ببعض تاني وانا كنت حاسس بتأنيب الضمير لأن أنا اللي اتغيرت اكتر وبعد الجواز ب7 سنين شخصيتي اختلفت تماما”
وأضاف “اعتقد أن الشخصيات هتتغير بعد الجواز والاهتمامات هتتغير بس المهم أن خطتنا تبقى واحدة وعندنا نفس التصور والاهداف المشتركة لكن أنا في جوازي الأول اختلفت شكل حياتنا ودة جعلنا مدركين أننا حتى لو في مشاعر بينا مش هينفع نكمل واحنا طلاقنا كان متحضر جدا، احنا يوم طلاقنا خرجنا شربنا قهوة”
